تعلم واقرأ وارتقِ
[img] قصيدة أحمد فؤاد نجم نفسي أنسى وأنسى Uoou910[/img]

تعلم واقرأ وارتقِ


 
الرئيسيةالبوابةالتسجيلدخول
غفرانك ربنا واليك المصير
رب زدني علما
سجل بالمنتدى ليظهر لك باقى المواضيع المهمه
سبحانك لا علم لنا إلا ما علمتنا أنك أنت العليم
علم اولادك برياض الأطفال والصفوف الأولى من التعليم الابتدائى
مجدى يونس ببورسعيد
أهلا بك من جديد يا زائر آخر زيارة لك كانت في
آخر عضو مسجل محمد العدل فمرحبا به

عزيزى زائر المنتدى مرحبا بك نرجو التسجيل حتى تشاهد باقى الصفحات المختفية بها المواضيع المهمة

شاطر
 

  قصيدة أحمد فؤاد نجم نفسي أنسى وأنسى

اذهب الى الأسفل 
كاتب الموضوعرسالة
مجدى يونس
Admin
مجدى يونس

عدد المساهمات : 1240
تاريخ التسجيل : 17/05/2012
الموقع : محافظة بورسعيد

 قصيدة أحمد فؤاد نجم نفسي أنسى وأنسى Empty
مُساهمةموضوع: قصيدة أحمد فؤاد نجم نفسي أنسى وأنسى    قصيدة أحمد فؤاد نجم نفسي أنسى وأنسى Icon_minitimeالجمعة يوليو 06, 2012 3:25 am



قصيدة أحمد فؤاد نجم نفسي أنسى وأنسى اشعار احمد فؤاد نجم لثورة ٢٥ يناير

نفسى فى صنف حشيش
ينمل الدماغ وينظف النخاشيش
علشان انسى طابور العيش
واخش فى الغيبوبه وانسى مشكلة الانبوبه
وأنسى بلدنا المنهوبه
وانسى اللى بيجهزوه علشان يبقى رئيس للمخروبه
وأبقى مسطول
وأنسى أي مسئول
من اللى سابوا الناس فى السيول
وانسى ان نظيف اتجوز وبقى بيعول
وانسى مجلس الشعب وفتحى سرور
وانسى البرادعى وايمن نور
وانسى شوبير ومرتضى منصور
وانسى تعديل الدستور
وانسى اللى ساكنين فى القبور
وانسى انفلونزا الطيور
وانسى مشاريعنا الفاشله
فى توشكى وابو طرطور
واخش فى الاستهبال
وانسى علاء وجمال
وانسى التوريث
والنيل اللى نازلين فيه تلويث
وانسى ان منتخبنا كويس زى ما قال الرئيس
وانسى تصدير الغاز
واحناعندنا ازمة بوتاجاز
وانسى قطر العياط
وانسى قطر الصعيد
وانسى احمد عز واحتكار الحديد
وانسى زحمة المواصلات
وانسى الانتخابات
وانسى فتاوى الفضائيات
وانسى العشوائيات
وانسى فشل التعليم
وانسى هشام طلعت وسوزان تميم
وانسى الاهرام وانسى الاخبار
وانسى ثروة الريس ال40 مليار
اللى مش بالجنيه المعفن لا بالدولار
وانسى انه خلى بلدنا افقر من زنزبار
وانسى المعارضه وانسى الاحزاب
وانسى تامر حسنى وعمر دياب
وانسى مشكلة النقاب
وانسى ارضاع الكبير وشرب بول البعير
وانسى انفلونزا الخنازير
وانسى اوربا وامريكا وانسى الصين
المتقدمين عننا بسنين
وانسى البيت بيتك وتامر امين
وانسى ان كيلو اللحمه بقى بتمانين
وانسى اننا فى الزباله غرقانين
وانسى الماده سته وسبعين
والماده سبعه وسبعين
وانسى فريق الساجدين
وانسى الزمالك والاهلى
وانسى اليسا وهيفاء وهبى
وانسى الفول والطعميه
وازهى عصور الديموقراطيه
وجامعة الدول العربيه
والجماهيريه الليبيه
والكفيل فى السعوديه
وانسى بطرس غالى والضريبه العقاريه
وانسى الطلعه الاولى الجويه
والمصالحه الفلسطينيه
وانسى فتح وانسى حماس
وانسى هنيه ومحمود عباس
وانسى العراق وافغانستان
وانسى ايران وانسى باكستان
وانسى ماما سوزان
وانسى الاخوان
وانسى محمد ابراهيم سليمان
وانسى ان حد من 0900 يطلع كسبان
وانسى انى مديون
وانسى كل ممثله حيزبون
بتاخد فى المسلسل كام مليون
وانسى ايامنا السوده
واحضان طنطاوى والبابا شنوده
وانسى القذافى والبشير
وانسى كل ملك وكل امير
اللى حاكمين من سنين
من غير تغيير

وعلشان اعرف ان الصنف كويس
لازم ارشح نفسى وأبقى الريس

_________________
من أحب الله رأى كل شئ جميلا
مع تحياتى مجدى يونس
الرجوع الى أعلى الصفحة اذهب الى الأسفل
http://magdiyonis1.forumegypt.net
 
قصيدة أحمد فؤاد نجم نفسي أنسى وأنسى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
تعلم واقرأ وارتقِ :: تعلم الشعر-
انتقل الى: